अनदान के परब छेरछेरा छत्तीसगढ़ी कक्षा चौथी विषय हिन्दी पाठ 13
छत्तीसगढ़ म छेरछेरा ल पूस महिना के अँजोरी पाख म पुन्नी के दिन परब बरोबर
मनाय जाथे। किसान अपन फसल ल मींज-कूट के कोठी-ढाबा म धर लेथें। इन्द्रदेव के किरपा ले जब खूब बरसा होथे त अच्छा फसल घलो होथे, तहाँ उँखर हिरदे झूम उठथे। छत्तीसगढ़ म ये दिन जम्मो लइका-सियान छेरछेरा माँगे बर जाथें अउ गीत गाथें-“छेरिक छेरा, छेर मरकनिन छेरछेरा, माई कोठी के धान ल हेरहेरा।”
दफड़ा, गुदुम अउ मोहरी के धुन म मगन हो के सब नाचथें। जब बिदागरी म देरी
होवत देखथें त फेर दूसर गीत गाथें –
“तारा रे तारा, अंगरेजी तारा, जल्दी-जल्दी बिदा करहू, जाबो दूसर पारा।”
“अरन-बरन कोदो दरन, जमे देबे तमे टरन।”
हमर छत्तीसगढ़ म एक ठन ये रिवाज घलो हवय। किसान मन अपन कोठार-बियारा म धान के मिंजई के आखरी दिन, उहाँ जतका मनखे रहिथें, सब झन ल धान निछावर करथें।
जब किसान के धान के मिंजई छेवर हो जाथे, तभे ये समिलहा छेवर ह “छेरछेरा
पुन्नी” के परब के रूप म मनाय जाथे।
छेरछेरा परब के एक ठन लोककथा हवय। बहुत समे पहिली बड़हर मन अपन धान-कोदो ल मींज-कूट के कोठी-ढोली म भर लेवँय, अउ बनिहार मन अन्न के दाना बर तरसँय।
पोट-पोट भूख मरँय।
अपन कमइया बेटा मन ल भूखे मरत धरती दाई देखे नइ सकिस। वो ह घोर अंकाल
पार दिस। धरती बंजर होगे। एक ठन हरियर काँदी नइ जामिस। अन अउ पानी बर हाहाकार मचगे। ये बिपत ले बाँचे बर बड़हर मन धरती दाई के पूजा-पाठ करे लागिन।
सात दिन ले पूजा-पाठ करिन। पूजा-पाठ होइस, तेखर पाछू धरती दाई परगट होगे। सब
झन जय-जयकार करिन। त धरती दाई ह बड़हर मन ल कहिस-“सब झन अपन-अपन उपज के ठोमा-खोंची हिस्सा बनिहार ल दान करहू। कोनो ल छोटे अउ कोनो ल बड़े झन समझहू। कोनो गरीब होय, चाहे बड़हर, धान-कोदो के दान लेहू-देहू तभे अंकाल सिराही।”
देबी के बात ल सब झन हाँसी-खुशी ले मान लेइन। तब धरती दाई ह अन, पानी,
साग-भाजी कंद-मूल, फल-फूल अउ जरी-बूटी के बरसा कर दिस। लोगन के मन म खुसियाली छागे। आदिशक्ति माता ह शाकंभरी देवी के रूप म परगट होइस। ये दिन ल शाकंभरी जयंती के रूप म घलो मनाय जाथे।
छेरछेरा के दिन जम्मो मनखे जात-धरम, ऊँच-नीच अउ छोटे-बड़े के भेदभाव ल
भुला के अन के दान माँगे बर जाथें। धान-कोदो के दान ल कोनो बर्तन म नइ करे जाय, टुकना, चरिहा नइ त सुपा-टोपली म देथें।
छत्तीसगढ़ म छेरछेरा के दिन हाँसी-खुशी के नंदिया-नरवा बोहाथे। कोनो बड़े न
कोनो छोटे। सब झन बरोबर हवँय। आज ले सबो धान-कोदो के दान लेवत हवँय अउ देवत हवँय।
छेरछेरा परब हम सब झन ल जुरमिल के रहना सिखाथे। मिल-बाँट के खाये बर
कहिथे। ये ह हमर छत्तीसगढ़ के जम्मो लइका-सियान बर बरोबरी के तिहार आय।
छेरछेरा के दिन धान या रूपया-पैसा के दान करे जाथे।
छेरछेरा परब से संबंधित प्रश्नों के उत्तर
क. छेरछेरा म कोन-कोन गीत गाय जाथे?
छेरछेरा के परब म लइका-सियान “छेरिक छेरा, छेर मरकनिन छेरछेरा, माई कोठी के धान ल हेरहेरा” और “तारा रे तारा, अंगरेजी तारा, जल्दी-जल्दी बिदा करहू, जाबो दूसर पारा” जइसन गीत गाथें।
ख. काखर धुन म सब बिधुन हो के नाचथें?
दफड़ा, गुदुम अउ मोहरी के धुन म सब बिधुन हो के नाचथें।
ग. अपन कमइया बेटा मन ल भूख मरत कोन देखे नइ सकिस?
धरती दाई अपन कमइया बेटा मन ल भूख मरत नइ देख सकिस।
घ. बड़हर मन फसल ल मींज-कूट के कहाँ धर देवँय?
बड़हर मन फसल ल मींज-कूट के कोठी-ढोली म धर देवँय।
ङ. छेरछेरा परब कोन महिना म मनाय जाथे?
छेरछेरा परब पूस महिना के अँजोरी पाख म पुन्नी के दिन मनाय जाथे।
च. काखर किरपा ले खूब बरसा होथे?
इन्द्रदेव के किरपा ले खूब बरसा होथे।
10 MCQ – अनदान के परब छेरछेरा
प्रश्न 1. छत्तीसगढ़ में छेरछेरा पर्व कब मनाया जाता है?
(A) होली के दिन
(B) दिवाली के दिन
(C) पूस माह की पुन्नी को
(D) मकर संक्रांति को
👉 उत्तर: (C) पूस माह की पुन्नी को
प्रश्न 2. छेरछेरा पर्व किससे जुड़ा हुआ है?
(A) वर्षा
(B) फसल कटाई
(C) पशु पूजा
(D) दीपक जलाना
👉 उत्तर: (B) फसल कटाई
प्रश्न 3. बच्चे और बड़े छेरछेरा मांगते समय कौन-सा गीत गाते हैं?
(A) “अरन-बरन कोदो दरन”
(B) “छेरिक छेरा, छेर मरकनिन छेरछेरा…”
(C) “तारा रे तारा, अंगरेजी तारा…”
(D) “राम-राम सबको”
👉 उत्तर: (B) “छेरिक छेरा, छेर मरकनिन छेरछेरा…”
प्रश्न 4. किसान अपने कोठार-बियारा में किस चीज़ को निछावर करते हैं?
(A) रूपया-पैसा
(B) धान
(C) कपड़ा
(D) बर्तन
👉 उत्तर: (B) धान
प्रश्न 5. छेरछेरा पर्व का मुख्य उद्देश्य क्या है?
(A) खेल-कूद करना
(B) झगड़ा करना
(C) मिल-बाँटकर खाना और समानता
(D) खेत जोतना
👉 उत्तर: (C) मिल-बाँटकर खाना और समानता
प्रश्न 6. छेरछेरा पर्व से जुड़ी लोककथा में किस देवी का उल्लेख है?
(A) दुर्गा माता
(B) शाकंभरी देवी
(C) काली माता
(D) लक्ष्मी माता
👉 उत्तर: (B) शाकंभरी देवी
प्रश्न 7. धरती दाई ने बड़हरों से क्या करने को कहा?
(A) अन्न बेचने को
(B) अन्न का दान करने को
(C) पशुओं की पूजा करने को
(D) तालाब बनाने को
👉 उत्तर: (B) अन्न का दान करने को
प्रश्न 8. छेरछेरा के दिन दान किसमें दिया जाता है?
(A) लोटा
(B) टोकरी (सुपा-टोपली)
(C) मटका
(D) थाली
👉 उत्तर: (B) टोकरी (सुपा-टोपली)
प्रश्न 9. छेरछेरा पर्व हमें क्या सिखाता है?
(A) अकेले रहना
(B) झगड़ना
(C) मिल-जुलकर रहना
(D) खेलना
👉 उत्तर: (C) मिल-जुलकर रहना
प्रश्न 10. छेरछेरा पर्व को और किस नाम से मनाया जाता है?
(A) नाग पंचमी
(B) शाकंभरी जयंती
(C) मकर संक्रांति
(D) राम नवमी
👉 उत्तर: (B) शाकंभरी जयंती